Британскиот премиер: Упадот со руски беспилотни летала во Полска е исклучително загрижувачки

Британскиот премиер Кир Стармер утрово остро го осуди рускиот упад во полскиот воздушен простор, нарекувајќи го „екстремно загрижувачки“.

Стармер го опиша нападот врз Украина како „варварски“ и додаде дека тоа е „грубо неодговорен потег на Русија што само го потврдува очигледното непочитување на мирот од страна на Путин и континуираното бомбардирање на невини Украинци“.

Тој рече дека разговарал со полскиот премиер Доналд Туск за да „јасно ја стави на знаење поддршката на Обединетото Кралство“. „Искрено сум благодарен на НАТО и полските сили кои брзо реагираа за да ја заштитат Алијансата“, рече Стармер.

Тој додаде дека Велика Британија, „заедно со партнерите и преку раководството на Коалицијата на волјата, ќе продолжи да го зголемува притисокот врз Путин сè додека не се постигне праведен и траен мир“.

Share on Facebook

Tweet

Follow us

Save