Британците уапсија руски олигарх поврзан со Путин: Осомничен е за перење на пари

Властите на Велика Британија уапсија богат руски бизнисмен (58) и упаднаа во неговиот дом во Лондон, под сомнение дека е вмешан во перење пари, соопшти Националната агенција за криминал.

Повеќе од 50 полицајци извршиле претрес во домот на неименуваниот осомничен, во време кога државите се борат против потенцијалните криминални активности на олигарсите и другите поврзани со рускиот претседател Владимир Путин.

Куќата на осомничениот во Лондон евредна повеќе милиони фунти, а полицијата во четвртокот од неа заплени голем број дигитални уреди и „значителна“ сума на готовина.

Директорот на агенцијата, Грем Бигар рече дека НЦА, формирана едвај оваа година, има значителен успех во истрагата на потенцијалните криминални активности на олигарсите.

„Ќе продолжиме да ги користиме сите овластувања и тактики кои ни се достапни за да ја попречиме оваа закана“, рече тој.

Бизнисменот цел во рацијата беше уапсен под сомнение за перење пари и заговор за извршување на лажно сведочење и измама на Министерството за внатрешни работи, владината агенција одговорна за имиграција и спроведување на законот.

Маж (35), кој работи во резиденцијата на осомничениот, исто така беше уапсен откако беше забележан како го напушта имотот со торба во која има илјадници фунти во готовина, соопшти агенцијата.

Трет маж (39), поранешно момче на сегашниот партнер на бизнисменот, е уапсен во неговиот дом во областа Пимлико во западен Лондон под сомнение за перење пари и заговор за измама.

Share on Facebook

Tweet

Follow us

Save