Веапоска најави протести ако до крајот на месецот не заврши судењето за извадените органи

Во кривичниот суд Струга денеска повторно се одложи судскиот процес кој се води против гинеколозите Мухамед Асани, Блертон Асани и Лилјана Јованоска а во врска со извадените органи на Јалдз Веапоска која при царски рез остана без матка, јајник и бубрег.

– Денеска се одложи рочиштето поради недоаѓање на адвокатот на Асани. Дали е ова нормално? Дали има човечност да се одлага и да не доаѓа адвокатот? Најавувам протести, ако до крајот на месецот судењето не заврши. Како што дојдов денеска со многу луѓе од Дебар, така најавувам поголеми протести пред судовите во Дебар, Струга и Скопје и сите судови ќе се блокираат за јас да ја добијам правдата, изјави за „Слободен печат“ Јалдз Веапоска.

Денеска во судница дошле и медицински вештаци кои го изготвија супервештачењето за нејзиниот случај, но не можеа да бидат испитани бидејќи првообвинетиот Мухамед Асани дојде а неговиот адвокат не.

Извор: Слободен печат

Share on Facebook

Tweet

Follow us

Save