INFOMAX.MK

Прегледот на глобалната енергетска состојба покажа дека ветерот и сончевата енергија лани генерирале рекордни 22 отсто од електричната енергија во ЕУ, за првпат претекнувајќи го гасот, кој сочинувал 20 отсто. Уделот на енергијата од јаглен бил само 16 проценти. Според договорот, 42 отсто од водородот што се користи во индустријата треба да доаѓа од обновливи горива од небиолошко потекло до 2030 година и 60 отсто до 2035 година.

На последниот ден од април, земјите од Европската унија и преговарачите од Парламентот на ЕУ постигнаа привремен договор за зголемување на уделот на обновливите извори на енергија во енергетскиот микс на блокот на 42,5 отсто од вкупната потрошувачка до 2030 година. Тековната цел е 32 отсто. Со цел да се исполни целта на ЕУ да стане климатски неутрална до 2050 година, извршната комисија на ЕУ ја одобри целта од 45 проценти.

Советот и Европскиот парламент ја оставија отворена вратата за такво зголемување, со договор за „дополнителни 2,5 проценти од индикативните додатоци кои ќе овозможат достигнување до 45 проценти.

Фосилните горива покриваа 23 отсто од производството на електрична енергија во ЕУ минатиот месец, што е намалување од претходното рекордно ниско ниво од 27 отсто, постигнато во мај 2023 година, се вели во Извештајот. Производството на јаглен и гас нагло опадна, при што јагленот сочинува речиси еден процент од мешавината на електрична енергија, а гасот 12 проценти. Минатиот месец, енергијата од ветер и сончева енергија достигна нов производствен рекорд, за првпат генерирајќи околу 34 отсто од електричната енергија во ЕУ, надминувајќи го претходниот рекорд од 31 отсто поставен во мај минатата година.