Вечен спомен ќе биде Карпалак – 23 години од кукавичката заседа во која загинаа 10 македонски херои!

Масакрот кај Карпалак е најброен масакр врз војници во воениот конфликт во 2001 година. На 8 август 2001 година 10 резервисти беа убиени, а тројца ранети кога конвој од хермелин, два автобуса, камион и комбе од Прилепската касарна одел кон Тетово.

Кај месноста Карпалак конвојот бил начекан во терористичка заседа во 9:30 часот и врз него бил отворен жесток оган од тешки митралези и рачни ракетни фрлачи. Едно транспортно возило било погодено со ракетен фрлач, при што загинале осум војници и двајца офицери, сите од резервниот состав. Со ракетен фрлач бил погоден и еден од автобусите. Борбите за извлекување на преживеаните 108 луѓе траеле повеќе часови.

Конвојот со 13 транспортери, 15 тенкови, 30-тина камиони, потешко пешадиско оружје: топчиња, хаубици и два автобуса со резервисти одел кон Тетово, Еребино, за да изврши смена на силите и да однесе дополнителна опрема за војската којашто била сместена во Тетовско. Со минофрлачи, тромблони, зољи и автомати беше пукано од клисурата Карпалак, кога беше погоден еден камион кој се запали. Беше запалено и едно цивилно возило, а куршумите од автоматското оружје завршија и во автобусите со кои се транспортирале војниците, но возачот успеал да го оддалечи возилото од местото на заседата.

Во заседата починаа:

Нане Наумоски (48) ─ од Прилеп
Сашо Китаноски (39) ─ од Прилеп
Бранко Секулоски (42) ─ од Прилеп
Горан Миноски (29) ─ од Прилеп
Марко Деспотоски (27) ─ од прилепско Новоселани
Ердован Шабаноски (20) ─ од Прилеп
Љубе Грујоски (31) ─ од прилепско Пашино Рувци
Дарко Велјаноски (27) ─ од прилепско Ропотово
Веби Рушитоски (26) ─ од Прилеп
Пеце Секулоски (29) ─ од прилепско Бело Поле

Минатата година Министерството за одбрана и тогашната министерка Славјанка Петровска започнаа процес на изградба на достоинствено спомен-одбележје на загинатите херои.

Share on Facebook

Tweet

Follow us

Save