INFOMAX.MK

Во денешната епизода на “Наше Скопје” градоначалничката на Град Скопје, Данела Арсовска ги наброи проектите кои Градот ги започна и ги реализира во врска со подобрување на хигиената во Градот и зголемување на зелените површини.

– Доста планови има, она што го гледаме е дека отпочна реформирањето на ЈП Комунална хигиена и покрај тоа што видовме во неколку ситуации, дури и на камери како луѓе истураат со ќеси отпад на неколку локации.

Започнавме со еко акции, изминатиот викенд со над 200 волонтери го чистевме Водно. Тоа е и начин како да влијаеме на свесноста на младите.

Имавме и убава акција за чистење на Градскиот парк исто така заедно со хрватската амбасада и Клубот за хрватско-македонско пријателство во Скопје.

Новиот проект значи дека се отпочнува со рециклирање на градежен шут. Проектот дава место каде да се однесе градежниот шут од граѓаните, наместо да се создаваат диви депонии, туку отпадот ќе се рециклира и ќе се реупотреби.

Проектот кој ќе прочести 90% од урбаните отпадни води во Скопје, исто така, пречистителната станица.

Се работи активно на промоцијата на еден проект добиен од ЈП Комунална хигиена, а тоа се садови кои ќе бидат ставени на локации низ градот кадешто се најпотребни.

Отпочнавме со мега паркот во Ѓорче Петров, во наредните месеци ќе го имаме еден од петте мега паркови во Скопје. – истакна Арсовска.

Следете ја емисијата во живо на следниот линк: