(Видео) Арсовска: Политичките елити единствено што знаат е да критикуваат, никогаш не излегле со решение и затоа Македонија тапка 30 години во место

Коментирајќи ја посетата на Босна и Херцеговина и збратимувањето со Бања Лука, градоначалничката на Град Скопје, Данела Арсовска во гостувањато на телевизија 24 посочи дека е многу тешко да им се угоди на политичките елити од двете страни на политичкиот спектар бидејќи истите критикуваат што и да се прави.

Таа потенцира дека политичките елити единствено што знаат е да критикуваат, никогаш не излегле со решение и затоа Македонија тапка 30 години во место.

-Знаете како ако одите зошто одите, ако не одите ништо не правите, ако не објавите ништо не работите, ако објавите многу се фалите така да тешко е да се угоди на политичките елити. Тешко е да се угоди на политичките елити кои што единствено што знаат е да критикуваат, никогаш не знаат да излезат со соодветно решение и затоа 30 години Македонија тапка во место. Наместо да се зафатат со тоа да работат во интерес на граѓаните тие тераат само дневна политика и прес-конференции меѓусебно да се обвинуваат и за мене тоа не е прицнип на работа. Јас гледам она што треба да го направима да го направиме ефикасно да имаме што е можно повеќе пријатели, сметам дека тоа е една додадена вредност не само за Град Скопје туку и за Македонија, да имаме луѓе со кои ќе можеме да соработуваме и да оставиме траен белег. Доколку критика доаѓа за пријатество или за тоа што отпочнуваме нови соработки тоа навистина сметам дека се рефлектира во она што граѓаните го кажуваат на избори, а тоа е дека над 50 проценти од граѓаните во Македонија спаѓаат во категоријата не гласам и ниту една политичка понуда на пазарот не ми се допаѓа, вели Арсовска.

Share on Facebook

Tweet

Follow us

Save