(Видео) „Брз одговор“: Ексклузивно летаат транспортни хеликоптери и противтенковски авиони на Криволак

Во моментов на Криволак се одвива вежбата на НАТО „БРЗ ОДГОВОР 22“ во која се презентираат воздухопловно-десантни операции проследени со падобрански скокови и хеликоптерски и копнени активности на припадниците на армиите на Македонија, САД, Велика Британија, Франција, Италија, Црна Гора, Грција и Албанија.

Во моментов се полетаа неколку транспортни хеликоптери, а на видеата се гледаат и ниски прелети на противтенковските авиони Fairchild Republic A-10 Thunderbolt II.

Fairchild Republic A-10 Thunderbolt II е авион за напад со едно седиште, два турбовентила, дирекцион крила, субсоничен, развиен од Ферчајлд за потребите на воздухопловните сили на Соединетите Американски Држави (USAF). Во служба е од 1976 година, тој е именуван P-47 Thunderbolt, ловец-бомбардер, ефикасен за напаѓање копнени цели, но вообичаено се нарекува „Warthog“ или „Hog“.

На денот за високи гости, како што најавија од армискиот Генералштаб, меѓу другите ќе присуствуваат и шефот на државата и врховен командант на Армијата, Стево Пендаровски, собранискиот претседател Талат Џафери, министерката за одбрана Славјанка Петровска, началникот на Генералштабот, генерал-потполковник Васко Ѓурчиновски, пратеници од Собранието, амбасадорите на САД, Велика Британија, Италија, Франција, Грција, Албанија и Црна Гора, заменик на командантот на американската Армија за Европа и Африка, генерал-мајор Петер Ендрусјак, генерали во АРСМ, високи воени и цивилни претставници на вооружените сили и министерствата за одбрана на земјите учеснички на вежбата и на НАТО и одбранбени аташеа акредитирани во земјава.

Share on Facebook

Tweet

Follow us

Save