INFOMAX.MK

Американската инфраструктура веројатно не би можела да ги издржи нападите со електромагнетно оружје од Русија и Кина, пишува „Вашингтон тајмс“, повикувајќи се на резултатите од конференцијата на Светската федерација за мир, која има консултативен статус со Економско-социјалниот совет на Обединетите нации.
Според експертите, за овој проблем се зборува долго време, но неодамнешните тестови на хиперсонично оружје во Кина го направија особено актуелен.
Експертите се убедени дека, доколку постоечките технологии се користат во комбинација со нови проекти, Пекинг може да ги остави Американците без струја, вода, канализација, транспорт и трговија со еден удар.
„Тие нема да користат само електромагнетно оружје, туку и сајбер-напади и физичка саботажа“, изјави поранешниот аналитичар на ЦИА, Питер Винсент Прај.
Прај смета дека слична закана доаѓа од Русија и Северна Кореја, и покрај фактот што таа нема толку широки можности како Кина.

Весникот наведува дека едногодишниот прекин на струја во САД може да доведе до смрт на околу 90 отсто од Американците.
„Овие земји би можеле да не фрлат на колена за еден ден и нема да има потреба да се бориме со маринците, морнарицата или воздухопловните сили“, нагласуваат експертите.

Тие се убедени дека е дојдено време САД да размислат како да избегнат потенцијално сценарио за Судниот ден.