INFOMAX.MK

Министерот за надворешни работи на Русија Сергеј Лавров во Минск се сретна со вицепремиерот на Србија Александар Вулин, соопшти Министерството за надворешни работи на Русија.
Заедно ќе се бориме за безбедноста“, изјави шефот на руската дипломатија на почетокот на средбата.

„Понекогаш звучиме наивно, бидејќи веруваме дека е можно да се објасни дека светот треба да живее во мир, но што да правиме“, одговори Вулин.
„Знаеме да објасниме, но некои едноставно не сакаат да разберат. Сепак, тоа не ја прави вистината помалку веродостојна. Затоа ваквите дискусии што ќе се одржат денеска се многу корисни и значајни бидејќи многу земји, а нивниот број расте, сè повеќе сфаќаат дека е неопходно да се откажат од конфронтација и да бараат договори и баланс на интереси. Тоа е неизбежно. А времето на политичарите кои не сакаат да го разберат тоа и кои не сакаат да ја разберат реалната ситуација – нивното време минува и сето тоа ќе заврши прилично брзо“, посочи Лавров.

Вулин одговори дека времето на униполарниот свет е завршено засекогаш.

„Самитот на БРИКС во Казан го потврди тоа и покажа колку е глупава политиката која мисли дека може да ја изолира Русија или да ја исплаши Кина или да ја натера Србија да не ги избира своите пријатели“, рече вицепремиерот на Србија.
„Веќе на сите им е јасно дека не успеа и нема да работи“, рече на крајот Лавров.
Министрите се сретнаа на маргините на Втората меѓународна конференција за евроазиска безбедност, што се одржува во главниот град на Белорусија на 31 октомври и 1 ноември.