(Видео) Гест кој го стопи срцето на сите: Ѓоковиќ го прекина тренингот за да му помогне на момче на кое му се слоши – следеа овации од трибините!

Сцената од тренингот на српскиот тенисер Новак Ѓоковиќ на стадионот Сузан Ленглен ја обиколи цела планета.

Новак имаше отворен тренинг со Карен Хачанов пред почетокот на Ролан Гарос и трибините на стадионот беа исполнети речиси до последното столче.

Од силното сонце на трибините му се слошило на едно дете. Новак го забележа тоа, веднаш престана да тренира и истрча да помогне.

Го спушти малиот на теренот, го однесе до својата клупа, му стави ледена крпа на вратот и му даде освежување. После тоа го однел на трибините, го зел во раце и го вратил на местото каде што седел.

Неговиот гест беше дочекан со овации и громогласен аплауз.

Да потсетиме, Ѓоковиќ в понеделник ќе го започне своето учество на Ролан Гарос, а прва пречка ќе му биде американскиот тенисер од наше потекло Александар Ковачевиќ.

ЛИНК од видеото

Share on Facebook

Tweet

Follow us

Save