(Видео) Горан Пандев доби награда за спортска легенда на „Златна Бубамара“

Името на Горан Пандев ќе остане запаметено во фудбалската историја на Македонија. Освен што во моментов струмичанецот е рекордер по бројот на настапи и голови во репрезентацијата, тој е и првиот капитен кој го одведе националниот тим на еден голем собир. Пандев долги години беше дел од репрезентацијата, мина низ сè и сешто, од срамни порази, до славни победи, па кариерата ја заврши како што му доликува, со настап на Европското првенство и првиот гол на Македонија на турнирот.

Низ животот, струмичката ѕвезда доби многу признанија и награди во спортот, а сега доби и едно надвор од него. Имено, на традиционалната „Златна Бубамара на популарноста“, оваа година организаторите му оддадоа чест на Пандев. Тој го доби признанието за спортска легенда и присуствуваше на настанот во Скопје. За Пандев беше подготвена интересна најава, во видот на песна изведена од легендарниот Игор Џамбазов.

Најавата за наградата на Пандев:

По доделувањето на наградата, македонската фудбалска легенда се обрати на публиката и кажа збор-два.

Обраќањето на Горан Пандев на церемонијата во Скопје:

Извор: gol.mk

Share on Facebook

Tweet

Follow us

Save