(Видео) Два дрона се урнаа во близина на аеродромот во Дубаи, има повредени

Властите во Дубаи потврдија дека два дрона се урнале во близина на Меѓународниот аеродром во Дубаи (DXB), при што четири лица се повредени.

Според информациите, еден државјанин на Индија се здобил со повреди од среден степен, додека двајца државјани на Гана и еден државјанин на Бангладеш поминале со полесни повреди, пренесува Б92.

Дел од медиумите наведуваат дека дошло до привремено запирање или нарушување на воздушниот сообраќај, додека други известуваат дека летовите, и покрај падот на дроновите, продолжиле да се одвиваат нормално.

Еден патник на аеродромот изјавил за BBC дека на патниците им било кажано да се оддалечат од стаклените прозорци и да се преместат во побезбедна зона.

Во саботата, еден од дроновите паднал во близина на терминалната зграда и предизвикал експлозија.

Share on Facebook

Tweet

Follow us

Save