(Видео) Ден пред масакрот во Буча – Украинците се пофалија: Го чистиме градот од колаборанти и саботери!

Украина во саботата објави дека добила целосна контрола врз регионот околу Киев поради повлекувањето на руските трупи од оваа област. Подоцна во саботата, украинското Министерство за одбрана објави видео на „Твитер“ на кое се гледаат украинските сили како возат низ Буча, град со околу 30.000 жители и мртви тела расфрлани низ градот.

Украина ја обвинува Русија за извршен масакр врз цивилно население во Буча, но Русија овие тврдења ги нарекува воена пропаганда. Украинскиот претседател Володимир Зеленски ги обвини руските сили за геноцид.

Украинското обвинителство соопшти дека се пронајдени вкупно 410 тела во градовите во близина на Киев и дека „ќе собере и зачува докази за геноцидот предизвикан од руската агресија.

Но сепак ден пред да биде објавено видеото од масакрот во Буча, украинската полиција на Фејсбук соопшти дека ќе го чисти градот од колаборанти и саботери на руската војска и објави видео.

-Денеска, 2 април, во ослободениот град Буча, регионот Киев, специјалните единици на Националната полиција на Украина започнаа со расчистување на областа од диверзанти и колаборанти на руските војници. Специјалисти на Службата за уништување експлозивни направи ги проверуваат местата на воените злосторства на Руската Федерација и запленуваат експлозивни направи и муниција што не се активирале.

Службениците за спроведување на законот го проверуваат секој двор и засолниште, комуницираат со луѓето и им пружаат помош на локалните жители.

Граѓаните кои мораа да ги издржат ужасите на окупацијата максимално и помагаат на полицијата.
Полицијата прави се за да го воспостави редот и редот на ослободените територии за локалните жители што поскоро да се вратат во родниот град.

Погледнете:

Share on Facebook

Tweet

Follow us

Save