(Видео) Драма во косовска Велика Хоча: Специјалци се обидуваат да запленат вино од српска винарија – Граѓани протестираат, син на сопственикот се заканува дека ќе се самоубие

Ситуацијата во Велика Хоча во моментов е многу напната поради обидот на косовската царина да конфискува поголема количина вино на семејството Петровиќ. Голем број жители се на улица, припадници на специјалната полициска единица Роса се пред куќата, Срѓан Петровиќ, кој е сопственик на винаријата, во знак на протест се врзал за јарбол, а неговиот син се качил на покривот од куќата и се заканува дека ќе скокне .

За поддршка на семејството Петровиќ се собраа голем број локални жители и од раните утрински часови е многу драматично.

Насобраните се обидуваат да ги убедат косовските полицајци да се откажат од конфискувањето на виното од лозјето на Петровиќ.

Косовската царина утринава соопшти дека при проверка во Велика Хоча во Ораховац открила дека неовластено се продаваат алкохолни пијалоци и затоа донеле решение за одземање на 42.000 литри алкохолни пијалоци, објави Коха.

Share on Facebook

Tweet

Follow us

Save