INFOMAX.MK

Украинскиот претседател Володимир Зеленски ја одбележа годишнината од војната во неговата татковина со порака за пркос до својот народ, велејќи: „Ќе ги победиме сите“, објави Ројтерс. Тој објави видео со наслов „Година на непобедливоста“.

„Пред една година на денешен ден, од истото место, околу 7:00 часот, ви се обратив со куса изјава која траеше само 67 секунди“, рече тој во својот 15-минутен говор на свечена музика.

„Ние сме силни. Подготвени сме на се. Ќе ги победиме сите. Вака започна се на 24 февруари 2022 година. Најдолгиот ден во нашите животи. Најтешкиот ден во нашата понова историја. Се разбудивме рано и оттогаш не спиеме“, рече Зеленски.

Западните воени претставници го кажаа бројот на загинати и ранети од двете страни на најголемиот конфликт во Европа од Втората светска војна на повеќе од 100.000. Десетици илјади цивили загинаа, а милиони други избегаа од заканата од непријателства.

„Речиси секој има барем еден контакт во телефонот кој никогаш повеќе нема да се јави. Оној што нема да одговори на СМС со текст „Како си?“ Овие два збора добија ново значење во текот на годината војната“, додаде тој украинскиот претседател. И го пофали својот народ со зборовите: „Станавме една голема армија, станавме тим во кој некој наоѓа, некој пакува, некој носи, но секој придонесува“.

Тој ја опиша 2022 година како година на „отпорност, храброст, болка и единство“.

„Главниот заклучок од него е дека преживеавме. Не бевме поразени. И ќе направиме се за да победиме оваа година“, заклучи Зеленски.