(Видео) Ивановска: Падот на листата на Транспаренси е поради измените на КЗ – И власт и опозиција се однесуваат како „сложни калуѓери што во петок мрсат“
Падот на листата на перцепција за корупција на Транспаренси се должи на измените на Кривичниот законик за кои се виновни и претходната и сегашната власт, истакна во гостување во „Политиканти“ на Инфомакс поранешната претседателка на Државната комисија за спречување на корупција, Билјана Ивановска.
– Претходната власт го донесе Кривичниот законик ама актуелната власт им овозможи со кворум да ги донесат измените. Сите се однесуваат како „сложни калуѓери во петок мрсат“. Кога се донесе Националната стратегија за борба против корупција во Собранието имаше многу позитивни коментари, а еден пратеник рече „се убаво, ама кога ќе се спроведе ова“? Па вие треба да го спроведете. Два месеци после тоа и власт и опозиција носат закон за правен статус на бесправно изградени објекти, значи интересот е вечен. Нашите функционери покажуваат дека единствено е важен личниот интерес, истакна Ивановска.
