(Видео) Лекарската комора предлага привремено одземање на лиценцата на анестезиологот кој ги снимаше родилките

На денешната прес-конференција на Лекарската комора на Македонија, во врска со немилиот настан кој се случи во тетовската гинекологија, претседателката на Лекарската комора, Проф. д-р Калина Гривчева Старделова соопшти дека ќе предложи Судот на честа на Лекарската комора времено да ја одземе лиценцата за работа на анестезиологот.

– Лекарот кој ги снимаше пациентките ги наруши угледот и честа на лекарската професија. Лекарската комора денес итно ги свика органите и телата на Комората за да го разгледата конкретниот случај. Се одржа состанок на комисијата за етички и правни прашања и донесе едногласна одлука за покренување на постапка пред судот на честа на лекарската комора.

Обвинителот ова го прифати и до судот на честа достави обвинение до лекарот анестезиолог кој веќе не е вработен во установата, и ќе се предложи времено одземање на лиценцата за работа на лекарот.

Етичката комисија констатираше дека колегата со своите постапки и однесување прекршил повеќе етички норми, поради што се поведе постапката пред судот на честа.

Лекарската комора уште еднаш изразува жалење за случајот и им се извини на пациентките кои беа снимани.

Несоодветно и изолирано однесување на поединци нема да дозволиме да се нарушува угледот на целата професија.

Согласно правните регулативи нема основ за трајно одземање на лиценцата на лекарот, појаснија од Лекарската комора.

-Најмногу што може да се направи е времено одземање на лиценцата во врметраење од седум години, истакна претседателката.

ЛИНК од видеото

Share on Facebook

Tweet

Follow us

Save