INFOMAX.MK

Името на Лионел Меси со златни букви ќе биде испишано засекогаш во историјата на Аргентина. „Малиот генијалец“ зимава успеа да се закити со светската титула и оттогаш ужива статус на Бог во својата земја.

Тоа се потврди уште еднаш вчера, откако беше виден во Буенос Аирес на вечера во ресторан со својата фамилија каде веднаш се собраа стотици фанови кои се понадеваа дека ќе успеат да стигнат до автограм или фотографија со Меси, но тоа беше невозможно.

Léo Messi à la sortie d’un restaurant en Argentine hier 🤯

🎥 @AndresLacouture pic.twitter.com/y6lEGEbP9s

— BeFootball (@_BeFootball) March 21, 2023

Поради гужвата што се створи пред ресторанот, Меси буквално не можеше да замине и мораше да интервенира обезбедувањето кое му направи коридор по кој успеа да се извлече од насобраната толпа која сакаше да го види својот миленик.

Откако го освои СП во Катар, Лионел Меси влезе во клубот на „бесмртните“, заедно со легендарниот Диего Армандо Марадона и аргентинските медиуми пишуваат дека „нормалниот живот“ во Аргентина за него е завршен. Тие потсетија дека Марадона исто така не можел да излезе од дома, затоа што насекаде го следеле фанови и новинари. Меси едвај успеа да се пробие до својот автомобил и да замине од ресторанот, додека луѓето се обидуваа на секаков начин да стигнат до него.

Incredible scenes as Messi tries to go for dinner at a restaurant in Buenos Aires last night 🇦🇷😬pic.twitter.com/oQJM5RMFqd

— Get Football (@GetFootballEU) March 21, 2023