INFOMAX.MK

Предупредувања за воздушен напад рано утрово се издадени во цела Украина, а во неколку градови во далечните региони, вклучително и во Киев, извршени се и ракетни напади во кои досега загинале најмалку пет лица, меѓу кои и едно тригодишно дете.

Како што јави Би-Би-Си, во Дњепар загинале жена и тригодишно дете.

Фотографии објавени на социјалните мрежи од градот Уман покажуваат тешко оштетена деветкатна зграда откако била погодена.

https://twitter.com/YaremenkoInna/status/1651816849342967808?ref_src=twsrc%5Etfw%7Ctwcamp%5Etweetembed%7Ctwterm%5E1651816849342967808%7Ctwgr%5E2082344534a2c7a179867f65c41ad7f08baa4ffc%7Ctwcon%5Es1_&ref_url=https%3A%2F%2Fkurir.mk%2Fsvet%2Fvesti-svet%2Fpo-51-den-kiev-povtorno-raketiran-napadi-i-vo-drugi-gradovi-megu-zaginatite-se-zhena-i-3-godishno-dete-video%2F

Шефот на воената управа во областа Ихор Табуретс информира дека во тој напад загинале три лица, а осум се повредени.

Новинската агенција Интерфакс Украина, повикувајќи се на локални извори, јави дека по полноќ биле пријавени експлозии и во Кременчук и Полтава во централна Украина, во Миколаев на југ, како и во Киев и во регионот околу главниот град.

https://twitter.com/KyivIndependent/status/1651791989325561856?ref_src=twsrc%5Etfw%7Ctwcamp%5Etweetembed%7Ctwterm%5E1651791989325561856%7Ctwgr%5E2082344534a2c7a179867f65c41ad7f08baa4ffc%7Ctwcon%5Es1_&ref_url=https%3A%2F%2Fkurir.mk%2Fsvet%2Fvesti-svet%2Fpo-51-den-kiev-povtorno-raketiran-napadi-i-vo-drugi-gradovi-megu-zaginatite-se-zhena-i-3-godishno-dete-video%2F

Во Киев, системот за противвоздушна одбрана собори 11 проектили и два беспилотни летала, соопштија локалните власти.

Шефот на воената администрација на Киев изјави дека ова е прв руски ракетен напад врз главниот град во последните 51 ден.