INFOMAX.MK

Американскиот државен секретар Марк Рубио, на денот Пепелница (Чиста среда) на кој христијаните го одбележуваат почетокот на велигденските пости, гостуваше на „Фокс њуз“ со крст на челото.

Христијанската традиција наложува свештено лице на Пепелница да ги посипува верниците со пепел по глава или со пепел да им исцрта крст на чело. Посипување со пепел во христијанската традиција означува покорност или подготвеност за нов живот.

Is the US Secretary of State Marco Rubio spewing Russian propaganda with a giant cross painted in the forehead? pic.twitter.com/1bwtj0hib6

— Kvist (@kvistp) March 6, 2025

Родителите на Марк Рубио емигрирале од Куба во САД во 1956 година, две години пред доаѓање на Фидел Кастро на власт во Хавана. Наскоро по доаѓањето се приклучиле на мормонската црква. Католичките медиуми во САД пишуваат дека подоцна ја напуштиле мормонската црква на барање на синот и се вратиле во католицизмот.

Рубио е крстен и се венчаше во Католичка црква, но подоцна со сопругата станаа членови на евангелистичка црква. Во годините што следуваа, како што вели, почнал да копнее по светата причест, па повторно се вратил во Католичката црква.

U.S. Secretary of State Marco Rubio draws a cross on his forehead during a press conference to discuss Trump's positions. pic.twitter.com/YWdBTJKfzi

— Hanzo (@HanzoNasan) March 6, 2025

Рубио за време на гостувањето повтори дека Трамп сака да ја заврши војната во Украина.

„Имаме среќа и привилегија што имаме претседател кој сака, ако е можно, да ја заврши војната која чинеше милијарди долари, стотици илјади животи и уништување од кое на Украинците и другите ќе им требаат цела една генерација за да се опорават. Би било во интерес на сите, на украинскиот народ, на рускиот народ, на американскиот народ, на нашите европски партнери и сојузници, да се заврши ова. Но, постои само една личност која може да го направи тоа и нејзиното име е Доналд Трамп, претседател на САД“, рече Рубио.

Marco Rubio appeared on the last television show with a cross on his forehead because of his participation in religious practice.

The people from trump's mafia team are not Christians, never.

What more appropriate terms can you think of for these lackeys of the US dictator? pic.twitter.com/HXBLFwNfN7

— Jürgen Nauditt 🇩🇪🇺🇦 (@jurgen_nauditt) March 6, 2025

Рубио во 2016 година, за време на предизборот во Републиканската партија, жестоко го нападна својот противкандидат Трамп, со критики дека нема доволно искуство во надворешната политика, го нарекуваше манипулант и го исмеваше за неговите „мали раце“.

Трамп му одговори со прекарот „Малиот Марко“ (Little Marco) и го исмеваше на секој чекор. Меѓудругото говореше дека носи премногу шминка, дека пие премногу вода и дека многу се поти.