INFOMAX.MK

„За нас [Русија], војната во Украина … е проба за евентуално поголем конфликт во иднина“, предупреди врвен руски политиколог во ток-шоуто на руската државна телевизија „60 минути“.

Алексеј Фененко, научен соработник во Институтот за меѓународни безбедносни студии, ѝ рече на Олга Скабеева, водител на емисијата, дека инвазијата на Украина е полигон за тестирање на воени тактики и опрема за многу поширок конфликт, кој потенцијално може да го вклучи НАТО.

„И затоа ќе тестираме и ќе се спротивставиме на оружјето на НАТО и ќе видиме на бојното поле колку е навистина посилно нашето оружје во споредба со нивното… можеби тоа ќе биде искуство за некој иден конфликт“, рече Фененко.

Водителката на емисијата Скабеева го прекина Фененко, посочувајќи го ова како „застрашувачки експеримент“.

Видео клипот на кој Фененко ги изразува своите ставови за можеби многу поголем конфликт, првпат беше споделен во САД од страна на Џулија Дејвис од Дејли Бист во четвртокот.

Meanwhile on Russian state TV: Professor Alexei Fenenko, leading research fellow at the Institute of International Security Studies, says that for Russia, its war in Ukraine is a rehearsal for a potential larger conflict with NATO countries. pic.twitter.com/OSelLyltc5

— Julia Davis (@JuliaDavisNews) May 19, 2022

Коментарите на Фененко доаѓаат откако Маргарита Симонјан, новинарка и главен уредник на RT, разговараше за можноста за конфликт надвор од Украина и рече дека нуклеарна војна би била во ред бидејќи „сите ќе умреме еден ден“.

Симонјан додаде: Војната со „Европа и светот“ беше „неизбежна“.

Едно од највисоко-технолошките оружја на Русија што ги тестираше во Украина се хиперсонични ракети.

Заканата од поширок конфликт што ќе се прелее од Украина, најверојатно ги натера Финска и Шведска да аплицираат за членство во НАТО минатата недела.

Allegedly footage of Russian Kh-47M2 "Kinzhal" hypersonic missile launched today against of the Ukrainian armed forces underground weapons depot in Deliatyn. pic.twitter.com/9cHgmiKmni

— Harry Boone (@Harry_Boone) March 19, 2022