(Видео) Се гасат светилките во Струга, Мерко реши да штеди ама не од пари за кафани: “Нема потреба и ноќта да е како дење”

Продолжуваат чудните изјави на струшкиот градоначалник Рамиз Мерко кој реши да штеди електрична енергија со гасење на светилките во текот на ноќта.

Неговата изјава дека нема потреба и ноќта да биде како ден ја коментира генералниот секретар на Левица, Јована Мојсоска:

– Господинот Рамиз Мерко, дел од европските интегративци, кој потроши 67.000 евра за службено ауди рече дека уличното осветлување е скапо и порача дека не треба “и ноќта да е дење”

#НиеСмеНАТО – напиша Мојсоска на Фејсбук.

Струшкиот градоначалник не бил отсекогаш вака штедлив. Рамиз Мерко од општинскиот буџет во 2020-та потроши 27.500 евра, сред пандемија, неделно трошејќи над 2.000 евра на гозби и гоштевања.
Во 2018-та година со пари од општината, за сума од 66.000 евра, Мерко купи автомобил Ауди А6 и 4 шкоди во вкупна вредност од 114.000 евра.

Според извештаите за период од 2018. до 2021. година за репрезентација Мерко потрошил вкупно 139.296 евра.

ЛИНК од видеото