(Видео) Страшно невреме во Франција – двајца се мртви, илјадници без струја, протече кровот на парламентот

Најмалку две лица загинаа, а 17 се повредени во силната бура што ја погоди Франција, соопшти одделот за цивилна заштита на земјата.

11.000 корисници останаа без струја. Фотографиите и видеата покажуваат силни ветрови кои корнеле дрвја, обилни дождови и град, како и поплавени улици.

Дванаесетгодишно момче загина кога дрво паднало врз него во југозападна Франција, а еден маж е повреден кога неговиот квадбајк удрил во паднато дрво на северозапад, објавија француските медиуми. Брзината на ветрот надминаа 140 километри на час, додека градот бил со дијаметар до шест сантиметри.

Кровот на францускиот парламент во Париз, исто така протекуваше за време на говорот на францускиот премиер Франсоа Бајру, а вода влегла и на аеродромот Шарл де Гол. Летовите беа намалени за 20 проценти, а железничките услуги во неколку региони беа исто така прекинати поради бурата. Бајру, исто така, ги повика граѓаните да бидат дополнително внимателни и им се заблагодари на службите за итни случаи за нивната напорна работа на терен. Силната бура што ја погоди Франција следеше по топлотниот бран што ја погоди земјата, со температури над 40 степени Целзиусови.

Share on Facebook

Tweet

Follow us

Save