(Видео) Султанот го шокираше Западот: Хамас не се терористи туку борци за слобода

Турскиот претседател Реџеп Таип Ердоган изјави во средата дека палестинската милитантна група Хамас не е терористичка организација, туку ослободителна група која води битка за заштита на својата земја.

Во говорот пред пратениците на неговата партија во парламентот, Ердоган рече дека Израел ги искористил добрите намери на Турција и дека нема да оди во Израел како што претходно беше планирано.

Тој, исто така, повика на итен прекин на огнот меѓу израелските и палестинските сили и рече дека муслиманските земји мора да дејствуваат заедно за траен мир, повикувајќи ги светските сили да извршат притисок врз Израел да ги запре нападите.

Ердоган додаде дека граничната порта Рафах мора да биде отворена за хуманитарна помош и дека размената на затвореници треба итно да се заврши.

Share on Facebook

Tweet

Follow us

Save