(Видео) Трамп малку се збуни: Ги помирив „Азербајџан“ и Албанија

Американскиот претседател Доналд Трамп ги замени Ерменија и Албанија и изјави дека посредувал во мирот меѓу Азербејџан и Албанија. Оваа грешка се случи во разговор со конзервативниот коментатор Марк Левин во неговата истоимена радио емисија.

Претседателот ги пофали неговите мировни напори во живо, повторувајќи го своето тврдење дека завршил седум војни за време на неговиот втор мандат.

„Знаете, тоа се многу неверојатни, неверојатни работи“, рече Трамп пред да се обиде да ја спомене неодамна договорената мировна декларација меѓу Азербејџан и Ерменија, која ги доближи земјите до мир – но не го заврши целосно нивниот 37-годишен конфликт.

„Видовте Абербајџан. Тоа беше голем конфликт што траеше 34, 35 години со, ах, Албанија. Размислете“, рече претседателот.

Трамп не само што погрешно ја нарече Ерменија „Албанија“, туку и неодлучно го изговори името Азербејџан.

Share on Facebook

Tweet

Follow us

Save