(Видео) Улиците празни, нема сирени, огромна тензија: Ни пиле не лета во Северна Митровица

Ситуацијата во Северна Митровица вечерва се уште е крајно тензична, околу 20 часот и 30 минути престанаа да се огласуваат сирените, а на улиците има многу малку луѓе.
Како што јави дописникот на Косово онлајн, Србите со кои разговарал се решени да се спротивстават на секој обид од Приштина да ги загрози нивните права и безбедност.

На главниот мост на Ибар во моментов нема никој освен неколку полициски возила.

Претходно попладне имаше информации дека почнале да се собираат Албанци од јужниот дел, но во моментов нема поголеми групи од јужната страна на мостот.

Србите од северните косовски општини во попладневните часови се собраа на главните патишта кон Брњак, Јариње и кај Зубин Поток, со намера да го спречат почетокот на воведувањето на реципроцитетни мерки од Приштина, најавени за понеделник.

Share on Facebook

Tweet

Follow us

Save