INFOMAX.MK

Хезболах изврши ракетен напад од Либан врз централниот дел на Израел, пробивајќи го израелскиот противракетен систем „Железна купола“ во близина на Тел Авив.

Неколку ракети ја погодија околината на градот, предизвикувајќи тревога во голем број области, вклучувајќи ги Гуш Дан, Шарон, Јаркон и Самарија.

Rockets launched by Hezbollah struck Kafr Qasim, nearTel Aviv. pic.twitter.com/KWp7O9OpgI

— Clash Report (@clashreport) October 1, 2024

Хезболах објави дека со проектили Фади-4 го гаѓал седиштето на Мосад во областа Тел Авив и разузнавачката база Глилот.

Според проценките на израелската војска, во нападот биле истрелани три до четири ракети, од кои некои биле успешно пресретнати, но најмалку една ракета паднала во близина на Кафр Касим, на рутата 6.

Hezbollah announced that it targeted the Mossad headquarters in Tel Area and the Glilot intelligence base with Fadi-4 missiles. pic.twitter.com/jngvluBSGl

— Clash Report (@clashreport) October 1, 2024

Израелските медиуми јавија дека од ударот маж на возраст од 50 години се здобил со умерени повреди.

Аларми за воздушен напад се огласија во десетици градови и населени места низ северен Израел, вклучувајќи ги Тел Авив, Кфар Саба и Раанана, додека властите ги повикаа граѓаните да бидат внимателни.

Израелската војска соопшти дека деталите за инцидентот се уште се истражуваат.

За потсетување, утринава израелската армија започна офанзива во неколку градови и области во јужен Либан, вклучувајќи ограничени и насочени копнени напади против цели на Хезболах. Либанската армија се повлече од своите позиции во близина на границата, додека Хезболах соопшти дека е подготвен за копнени борби. Продолжува ескалацијата на конфликтот во целиот регион.