INFOMAX.MK

Лидерката на партијата Баткившчина, Јулија Тимошенко, потврди дека во нејзината канцеларија во текот на ноќта биле спроведени „итни истражни дејствија“ по обвинение за поткуп, но таа категорично ги негираше сите обвиненија, објави Укринформ.

Тимошенко на својата Фејсбук страница изјави дека повеќе од 30 лица „без никакви документи всушност ја окупирале зградата и ги земале вработените како заложници“, додека службените материјали – вклучувајќи службени телефони, парламентарни документи и лични заштеди – биле конфискувани.

„Претресот е грандиозен ПР потег“, оцени Тимошенко, додавајќи дека обвиненијата немаат никаква врска со законот.

Според извештајот на Укринформ, Националното биро за борба против корупцијата (НАБУ) и Специјализираното обвинителство за борба против корупцијата (САПО) објавија на 13 јануари дека откриле обид за поткуп на пратеници во украинскиот парламент.

ТАСС објави дека портпаролката на Специјализираното обвинителство, Олга Постолук, потврдила дека против Тимошенко се поднесени обвиненија според членот за поткуп на службено лице, а лидерката на Баткившчина се соочува со казна од пет до десет години затвор, пренесува Танјуг.

‼️🇺🇦 New corruption scandal in Ukraine.

Yulia Timoshenko, former PM and now head of 'Batkivshchyna' political party is facing corruption allegations for bribing and buying votes from Ukranian lawmakers.

She's possibly looking at 10yrs. It's believed there are others involved. pic.twitter.com/GkP61DdSLD

— Spetsnaℤ 007 🇷🇺 (@Alex_Oloyede2) January 14, 2026