(Видео) Ќе победиме и ќе се собереме на Плоштадот на независноста: Зеленски со честитка за Денот на достоинството и слободата во Украина

Се ќе надминеме. Ќе преживееме. Ние ќе победиме!, вака го започна своето видео обраќање по повод Денот на достоинството и слободата.

– А на Денот на достоинството и слободата ќе се собереме на Плоштадот на независноста. Таму каде што отсекогаш биле заштитени достоинството и слободата. На гранитот, на барикадите за време на Портокаловата револуција и Револуцијата на достоинството. Каде што ја прославивме 30-годишнината од независноста на Украина. И таму, каде што ќе го славиме Денот на победата на Украина. Во мирен Киев, во мирна Украина, ќе кажам нешто важно. Главната работа, она што остана непроменето. И ќе остане непроменето.
Слава на Украина! – рече Зеленски.

Секоја година на 21 ноември, Украинците го одбележуваат Денот на Достоинството и Слободата, во чест на подвигот на учесниците во судбоносните настани во Украина: Портокаловата Револуција (2004) и Револуцијата на Достоинството (2013-2014).

На 21 ноември 2013 година, илјада и пол луѓе излегоа на плоштадот да протестираат против тоа што прорускиот претседател Виктор Јанукович одби да потпише документ кон кој државата целеше со години: Договорот за придружно членство на Украина во Европската Унија.

Ноќта на 30 ноември, стотици активисти, главно студенти, продолжија да се собираат на улиците. Тие беа брутално растерани од полицијата, и како одговор на тоа  стотици илјади луѓе се собраа во центарот на Кијив на 1 декември.

Имено самоволието на агенциите за спроведување на законот ги предизвика луѓето огорчени од корупцијата, узурпацијата на власта, политиките на русификација и зближување со Русија. Паролите за евроинтеграција на митингот му го дадоа името „Евромајдан“, повикувајќи на целосно обновување на државниот систем, а подоцна протестите се здобија со името „Револуција на достоинството“

. Луѓето бараа да се казнат виновниците во тепањето на демонстрантите. По бруталното претепување на млади луѓе од специјалните сили на главниот плоштад во Киев – плоштадот на Независноста, протестното движење се претвори во долга кампања на граѓанска непослушност кон владиниот режим, корупцијата и кршењето на човековите права.

Share on Facebook

Tweet

Follow us

Save