(Видео) Џип удри жена на пешачки кај „Јосип Броз“ и побегна од местото на несреќата

Тешка сообраќајна несреќа се случила синоќа во центарот на Скопје, кога жена била удрена од џип на пешачки премин, по што несовесниот возач побегнал од местото на настанот.

Информацијата и видео од настанот ги објави скопјанка на социјалната мрежа Фејсбук, предизвикувајќи бран реакции кај јавноста.

Несреќата се случила на обележаниот пешачки премин во непосредна близина на гимназијата „Јосип Броз Тито“.

Според сведоштвата на очевидци, жената уредно поминувала на пешачкиот премин кога возилото, опишано како џип, удрило во неа и, наместо да застане, со голема брзина го напуштило местото.

Повредената жена веднаш била пренесена со возило на Брза помош на лекување.

Министерството за внатрешни работи (МВР) веќе презема мерки за расчистување на случајот. Според информациите, полицијата ги прегледува безбедносните камери од околните објекти во обид да го идентификува џипот и да го пронајде возачот.

Официјални информации за случајот и за здравствената состојба на повредената жена се очекуваат во текот на денот.

Share on Facebook

Tweet

Follow us

Save