INFOMAX.MK

Претседателот на Левица, професорот Димитар Апасиев во говорот во Собранието вечерва рече дека СДСМ и ДУИ се антиевропска, антиработничка и антимакедонска влада.

– Од експозето на октроираниот премиер Ковачевски може да се издвои само една вистина, а тоа е дека опозицијата ја предводи Левица, додека јавноста пробува да ја убеди дека новите 64 пратеници во владејачкото мнозинство се подобри од претходните 64!?

Вие сте анти-работничка, анти-европска и анти-македонска Влада!

Во ваше време класната раслоеност доаѓа до невидени размери, бидејќи дејствувате со десничарска неолиберална економска политика. Спротивно на мантрата за “европеизмот”, вашата социјалдемократска влада нѐ изолираше од практиката на европските држави за прогресивен данок.

Наместо европска, ние со вас имаме арамиска влада, во која се сконцентрирани богаташите и милионерите кои меѓусебно си ги штитат интересите и поради чија корупција и непотизам младите ја напуштаат државата.

Но, вашите денови во политиката се одбројани! – вели Апасиев.

ЛИНК од објавата