Вилијам и Кејт станаа милијардери по смртта на кралицата
Принцот Вилијам и неговата сопруга Кејт Мидлтон станаа милијардери по смртта на кралицата Елизабета Втора и како резултат на тоа стекнувањето нови титули, пишува британскиот весник Дејли Стар, повикувајќи се на извори.
По смртта на Елизабета Втора, Вилијам веднаш ја наследил титулата војвода од Корнвол и сега е војвода од Корнвол и Кембриџ, а Кејт е војвотката од Корнвол и Кембриџ. Во петокот, на 9 септември, британскиот крал Чарлс III го прогласи својот син Вилијам за принц од Велс, а неговата сопруга Кејт за принцеза од Велс. Ова е титулата која последен пат ја користела мајката на Вилијам, принцезата Дијана.
По добивањето на новите титули, богатството на принцот Вилијам сега се проценува на 1,1 милијарди фунти, пишува весникот. Добивањето титули на војводата од Корнвол и војвотката од Корнвол значело дека Вилијам и Кејт ќе наследат голема количина земја, шуми, реки и имот, пишува весникот.
Во моментов, принцот и принцезата од Велс поседуваат околу 128.000 хектари земјиште во 20 окрузи во Англија и Велс, од кои некои го вклучуваат и Националниот парк Дартмур, пишува изданието, цитирајќи извори.
Бакингемската палата на 8 септември објави дека кралицата Елизабета Втора од Велика Британија, која владеела со земјата повеќе од 70 години, починала во Шкотска на 96-годишна возраст.
ПОВРЗАНИ ВЕСТИ
Британскиот крал Чарлс му предаде воена улога…
Британскиот крал Чарлс официјално му ја предаде…
Принцот Вилијам сака да биде глобален државник
Една навидум обична посета, открива многу за…