INFOMAX.MK

Македонија е сон! За да бидеш способен да имаш СОНИШТА, неопходно е да знаеш како да немаш илузии.

Слободата е можност да се биде подобар. Да немаме илузии: денес Македонија не е подобра од 08.09.1991 затоа што не е слободна. Денес Македонија и Македонците не се окупирани од непријателот, туку за прв пат, од сопствените изроди.

Запаметете: Македонија не беше родена со страв! Македонија беше родена со храброста, визијата и непобедливата решителност за слобода на Фалангистите, Комитите, Илинденците и Партизаните. После партизаните, Македонија ја одржуваа земјоделците, работниците и индустријата!

Тоа се луѓе херои, оти херои се оние кои се свесни дека со слободата доаѓа одговорност за сопствен просперитет, а не оние кои распродаваат светињи за туѓ просперитет. Денес, политичарите ја предадоа, но претприемачите и граѓанската интелигенција ќе ја зачуваат и повторно ќе ја ослободат!

Драга моја Македонијо, ноќта е најцрна пред мугрите! Доаѓаат светли денови!
Херои се само оние кои ја разбираат одговорноста која доаѓа со слободата. Ние сме одговорни што ти е одземена слободата и ние ќе ти ја вратиме!

Среќен празник, моја Македонијо, а вие мили мои Македонци, запаметете: колку сте вие понезависни, толку понезависна ќе е и Република Македонија!

Сите останати: ако се откажеш од слободата за сметка на сигурноста (НАТО и ЕУ), со сигурност ќе ги изгубиш и слободата и сигурноста!

(фејсбук статус на Зоран Витанов)