INFOMAX.MK

Властите во Грузија попуштија пред народниот гнев и го повлекоа скандалозниот закон за „странски агенти“, кој опозицијата го дефинираше како закон од „руски стил“, пренесоа светските агенции.

40.000 луѓе протестираа синоќа во Тбилиси и се судрија со органите на редот. Немирите продолжија два дена.
Владејачката партија „Грузиски сон“, иницијаторот на предлог-законот, јавното движење „Народна моќ“ и парламентарното мнозинство денеска излегоа со соопштение во кое се вели:

„Мораме да бидеме многу внимателни кон мирот, спокојството и економскиот развој на нашата земја, како и кон напредокот на Грузија кон европската интеграција. Затоа е неопходно да се троши енергијата на секој наш граѓанин не на конфронтација, туку на развој на земјата во вистинска насока“. Имајќи го предвид сето горенаведено, ние како Влада одговорна пред секој член на општеството одлучивме недвосмислено да го повлечеме предлог-законот што го поддржавме без никакви резерви“, се вели во соопштението.

Thousands of people staged a second straight day of protests in the Georgian capital Tbilisi, rallying against a 'foreign agents' law which critics say signals an authoritarian shift and harms Georgia's chances of closer ties with Europe https://t.co/mDmPckFrb9 pic.twitter.com/qdRVkUmp4I
— Reuters (@Reuters) March 8, 2023