Влаховиќ: Ме споредувате со Роналдо? Да не претеруваме

Српскиот фудбалер Душан Влаховиќ вели дека секогаш е мирен на теренот, без разлика дали ќе постигне гол или не.

Влаховиќ во неделата вечер беше херој на Јувентус со два гола во победата над Лече (3-0). По овој натпревар, новинарите го споредија со Кристијано Роналдо.

„Да не претеруваме! Среќен сум што успеав да му помогнам на тимот. Без моите соиграчи немаше да постигнувам голови. Се надеваме дека ќе продолжиме така“, одговори Влаховиќ на споредбата со легендарниот стрелец со кој Јувентус освои две титули во Серија А и вкупно четири трофеи од 2018 до 2021 година..

Влаховиќ досега оваа сезона има единаесет гола на своето конто, додека минатата сезона имаше еден помалку.

Share on Facebook

Tweet

Follow us

Save