Вознемирувачко: Семејно куче раскасало тримесечно бебе – Родителите обвинети за смртта!

Британски родители се обвинети за смртта на нивното тримесечно девојче, кое беше убиено од семејното куче хаски.

Малата Кира Кинг беше убиена на паркинг во Линколншир околу 11 часот на 6 март, во шумска област.

И покрај напорите на итната помош, таа за жал беше прогласена за мртва на местото на настанот, откако се здобила со ужасни повреди на вратот и главата, пишува Дејли Мејл.

Нејзините родители, Карен Алкок (41) и Винс Кинг (54) од Линколн се обвинети во врска со нејзината смрт.

Тие ќе се појават на суд следната недела, обвинети дека се задолжени за куче вонконтрола кое предизвикало повреди до смрт.

Полицијата во Линколншир соопшти дека кучето што го изврши нападот било чувано во изолација во безбедни одгледувачници, но полицајците сега ќе бараат наредба да го успијат.

Share on Facebook

Tweet

Follow us

Save