INFOMAX.MK

Австриски научник открил изгубен дел од преводот на библиски текст петнаесет века откако бил првично напишан.

Благодарение на техниките за ултравиолетова фотографија и долгогодишното искуство, Григори Кесел од Австриската академија на науките пронајде скриено поглавје напишано под три слоја текст.

Новото откритие е објавено во списанието New Testament Studies и претставува еден од најраните преводи на евангелијата.

Долго скриено поглавје, толкувањето на поглавјето 12 од евангелието по Матеј, првично беше преведено како дел од старосириските преводи пред околу илјада и петстотини години.

Меѓутоа, поради недостигот на пергамент, кој бил многу скап, тој бил повторно употребен и во голема мера од него бил избришан оригиналниот превод на Новиот завет.

Ваквото пишување, каде што еден слој текст е скриен под остатоците од друг, се нарекува палимпсест. Откритието на Кесел претставува двоен палимпсест бидејќи пергаментот бил користен три пати.

„До неодамна, имаше само две стихови со старосириски превод на евангелијата“, вели Кесел. Едниот е во Британската библиотека во Лондон, а другиот е палимпсест откриен во манастирот Света Катерина на Синајскиот Полуостров.

Меѓутоа, неодамна беше откриен трет документ како дел од проектот „Синајски палимпсести“. Откритието на Кесел го прави четвртиот – превод од третиот век, кој најверојатно бил копиран во шестиот век.

Пергаментот е пронајден во ватиканската библиотека.

Новооткриениот текст нуди единствен увид во разбирањето на најраните фази на библиската текстуална еволуција.