INFOMAX.MK

Следете го во живо најновото издание на истражувачката емисија „Мрежа“ на Инфомакс. Вечерва главна тема во емисијата е изградбата на коридорите 8 и 10д од страна на американско-турскиот конзорциум Бехтел и Енка.

Ексклузивен гостин во вечерашното издание на емисијата е првиот вицепремиер Артан Груби кој открива нови детали околу изградбата на автопатите.

Груби одговара на најтешките прашања околу надзорот, договорот, но и политичките догооври помеѓу власта и опозицијата.

На 15 јули 2021 година беше изгласано законското решение со кое изградбата на неколку делници од коридорите 8 и 10д практично се доделува на компанијата „Бехтел и Енка“, со што се заобиколува механизмот на распишување јавна набавка на која можат да се пријават повеќе компании.

Законот беше донесен со 55 гласови за, и ниту еден против или воздржан. Опозициската ВМРО-ДПМНЕ имаше одредени забелешки на законот, но не гласаше против.

На 8 март Владата на Република Македонија го стави својот потпис на договорот за изградба на автопатите од коридорите 8 и 10-д со американско-турскиот конзорциум „Бехтел и Енка“.

Според првичните проценти проектот ќе ја чини државата 1,3 милијарда евра и опфаќа изградба на вкупно 110 километри автопат. Овие проценки укажуваат дека државата во просек по километар за овие автопатски решенија ќе плаќа околу 12 милиони евра по километар.