Во својата нова книга, Трамп го опиша Путин со два збора: Силен човек

Во својата нова книга, републиканскиот претседателски кандидат Доналд Трамп го опиша рускиот претседател Владимир Путин како силен човек со кој имал добри односи, пишува NBC News, повикувајќи се на книгата што наскоро ќе биде објавена.

Според пишувањата на американските медиуми, новата книга на поранешниот претседател „Спасување на Америка“ ќе биде објавена на 3 септември, во која ќе има фотографии од клучните моменти од неговата политичка кариера.
„Владимир е силен човек, се разбиравме и добро се согласувавме“, ќе биде напишано на неговата фотографија со Владимир Путин, пренесува NBC News.

Се забележува дека под сликата Трамп уште еднаш ќе нагласи дека до ескалација на конфликтот во Украина немаше да дојде доколку тој продолжи да биде претседател.

Како што пренесува телевизијата, ќе биде објавена фотографија со кинескиот претседател Си Џинпинг со коментар: „Имав одлични односи со Кина“.

Покрај тоа, во книгата ќе има фотографија од севернокорејскиот лидер Ким Џонг Ун со натпис: „Многу добро се запознавме за многу краток временски период“.

Потсетиме дека Трамп претходно изјави дека е подобро за САД да одржуваат добри односи со светските лидери како што е рускиот претседател Владимир Путин. Тој рече дека очекува повторно да се договори со Путин доколку биде реизбран на функцијата претседател.

Share on Facebook

Tweet

Follow us

Save