Вучиќ: Берлускони ќе остане запаметен по храбрите политики

Српскиот претседател Александар Вучиќ изрази сочувство до владата и граѓаните на Италија за смртта на поранешниот италијански премиер Силвио Берлускони.

„Берлускони ќе остане запаметен по храбрите политики што му ја донесоа довербата на граѓаните долго време, но и по неговата единствена харизма. Изразувам сочувство до Претседателството на Советот на министри и до граѓаните на Италија, сигурен сум дека ќе го паметат како еден од најсилните лидери во поновата историја на земјата“, напиша Вучиќ на Твитер.

Берлускони почина денеска во болница во Милано на 87-годишна возраст, откако пред три дена беше префрлен во болница поради закажан преглед поврзан со хронична леукемија, од која боледуваше.

Share on Facebook

Tweet

Follow us

Save