Вучиќ: Луѓето не разбираат колку сме блиску до конфликт

Српскиот претседател Александар Вучиќ изјави дека е важно да се реши прашањето за Српската нафтена индустрија (НИС) и да се зачува мирот.

„Луѓето не разбираат колку сме блиску до конфликт. Некои во Брисел рекоа: „Ќе видиме дали, во случај на конфликт, Србија е на наша или на руска страна“. Знаете, изгубивме речиси 29 проценти од вкупното население во Првата светска војна. Во Втората светска војна, 90 проценти од припадниците на српскиот народ загинаа, зборувам за оние што загинаа на антифашистичката страна на народите од поранешна Југославија. Сите останати имаа загуби на фашистичката страна, а многу малку на антифашистичката страна. Имаше, се разбира, хрватски комунисти и Бошњаци, Македонци и други, но тоа беа толку мали бројки во споредба со Србите. Сосема е јасно какви загуби доживеавме и преживеавме како нација“, рече Вучиќ во интервју за РТС.

Вучиќ истакна дека Србија нема да оди во војна, туку дека ја зајакнува својата армија.

„Купуваме многу нови системи, сакам луѓето да се чувствуваат безбедно, да знаат дека имаме многу силни средства за одвраќање и дека оние кои мислат дека треба да пробаат нешто или размислуваат за тоа, дека знаат дека тоа не е можно, бидејќи нивните загуби би биле непресметливи и невозможно тој напад да преживее“, порача српскиот претседател.

Тој заклучи дека неговата цел е да го зачува мирот и да обезбеди напредок на економијата.

Инаку, вчера Вучиќ соопшти дека Србија нема да има свој претставник на меѓувладината конвенција во Брисел за првпат по тринаесет години. Одлуката, како што рече, ја донел со цел Владата да не трпела притисоци.

Share on Facebook

Tweet

Follow us

Save