Вучиќ со Рама и Ковачевски: Ќе направиме се за да овозможиме слободна трговија во Западен Балкан

Српскиот претседател Александар Вучиќ денеска изјави дека разговарал со албанскиот премиер Еди Рама и со премиерот Димитар Ковачевски како да им се помогне на обичните луѓе и како да се отстранат сите пречки и да се овозможи слободна трговија и слободен проток на стоки и луѓе.

Ова Вучиќ го изјави на прес-конференција по средбата со Рам и Ковачевски како дел од иницијативата Отворен Балкан, што се одржа во градското собрание на градот Бардолини во Верона.

„Разговаравме за многу важни прашања за да подготвиме се пред почетокот на летната сезона. Мислам дека тоа ќе биде многу важно. Разговаравме и за многу други прашања, како оние за безбедноста на храната“, рече Вучиќ.

Тој додаде дека со Ковачевски и Рама разговарал и за усогласување на документите за идентификација што ќе ги забрза граничните премини.

„Разговаравме и за добивање нови легитимации и сите тројца се согласивме дека ќе можеме да напредуваме во наредните месеци по ова прашање. Се договоривме да заврши процесот на обезбедување работни дозволи и тоа ќе биде основата, се осмелувам да кажам, основата на економската соработка меѓу сите нас“, истакна Вучиќ.

Тој додаде дека трговската размена меѓу Србија и Македонија е се поголема и поголема и дека е зголемена за околу 50 проценти во последните три години.

„Најголема пречка за нас на Западен Балкан се границите, бидејќи кога имаш камион кој превезува некаква стока, 30 отсто од нив возат, а 70 отсто се трошат на границите“, рече Вучиќ, пренесува Танјуг.

Share on Facebook

Tweet

Follow us

Save