INFOMAX.MK

Тешко е да се каже кога ќе продолжат мировните преговори меѓу Украина и Русија, вели главниот украински преговарач.

Михаило Подољак рече дека сегашната пауза најверојатно ќе биде продолжена со тековната опсада на Мариупол и очигледната желба на Русија да ја зајакне својата моќ со обнова на офанзивата на исток.

Односите беа нарушени и со наводното убиство на цивили во градот Буча пред повлекувањето на руските сили претходно овој месец.

Последните разговори лице в лице беа на 29 март.

„Очигледно, на позадината на трагедијата во Мариупол, преговарачкиот процес стана уште покомплициран“, изјави Подољак за Ројтерс.

„Русија пркосно се откажува од какви било манифестации на хуманост и хуманизам кога станува збор за одредени хуманитарни коридори. Особено кога зборуваме за Мариупол“ додаде тој.

Украинските власти соопштија дека најмалку 20.000 цивили се убиени во Мариупол од почетокот на војната и дека напорите за евакуација на градот постојано биле попречувани од руското гранатирање.

„Тешко е да се каже кога ќе биде возможна следната директна рунда преговори бидејќи Русите сериозно се обложуваат на [да постигнат придобивки во] таканаречената „втора фаза од специјалната операција““, рече Подољак.