Група палестински деца во критична состојба ќе бидат префрлени на лекување во Велика Британија

Група палестински деца, од кои помеѓу 30 и 50 се критично болни или повредени, ќе бидат евакуирани од Газа и префрлени со авион во Велика Британија на медицински третман во наредните недели, објави денес Би-Би-Си.

Тие ќе бидат првата група деца што ќе пристигнат во Велика Британија на лекување како дел од владина операција координирана од министерствата за надворешни работи, внатрешни работи и здравство.

Децата ќе бидат избрани од лекари кои работат за Министерството за здравство управувано од Хамас пред Светската здравствена организација да го координира патувањето, додаде Би-Би-Си. Овој потег на владата следи по писмото од некои пратеници, кои инсистираа болните и повредени деца од Газа да бидат префрлени со авион во Велика Британија „без одложување“.

Повеќе од 50.000 деца се убиени или повредени во војната во Газа од октомври 2023 година, според бројките од агенцијата за деца на ОН, УНИЦЕФ.

Share on Facebook

Tweet

Follow us

Save