Дарманин: Искрено жалам за несразмерната употреба на солзавец во Лигата на шампиони
Францускиот министер за внатрешни работи, Жералд Дарманин денеска изрази жалење поради „несразмерната“ употреба на солзавец против навивачите пред стадионот во финалето на Лигата на шампионите во фудбал, меѓу Ливерпул и Реал Мадрид.
„Искрено ми е жал за таа непропорционална употреба и ќе бидат преземени санкции против вклучените полицајци“ изјави Дарманин пред комисијата на Сенатот. Тој нагласи дека употребата на солзавец спречила судири на толпата, но призна дека биле повредени луѓе, вклучително и деца.
