INFOMAX.MK

Министерот за надворешни работи на Србија, Ивица Дачиќ изјави дека на шефот на руската дипломатија Сергеј Лавров му пренел дека Србија поднесува барање за итна седница на Советот за безбедност на ОН поради ситуацијата на Косово, а додаде дека Лавров му ветил поддршка.

Тој додаде дека разговарал со уште неколку министри за надворешни работи, од земји кои ја признаваат и не ја признаваат независноста на Косово. Како што наведе, меѓу другите, разговарал и со министри од Словенија, Малта, Сиера Леоне, Мозамбик…
Дачиќ објасни дека барањето за итна седница на Советот за безбедност на ОН е поднесено поради општата ситуација на Косово, теророт врз Србите, обидите за укинување на динарот и се што претставува кршење на резолуцијата 1244 и сите други меѓународни документи поврзани со Косово. .

„Шефот на Постојаната мисија на Србија во Обединетите нации, Немања Стевановиќ, поднесе барање за одржување итна седница на Советот за безбедност. Барањето за итна седница е доставено до претседавачот, односно Гвајана. Тоа барање може да се донесено без гласање, односно без приговори, но доколку некој побара, може да се гласа за сето ова, бидејќи тоа е практика која е воведена во последните години.Сметаме на таква ситуација дека сите земји треба да сами да го прифатат одржувањето на оваа седница“, рече Дачиќ по министерскиот состанок за Западен Балкан во Рим.

Дачиќ додаде дека образложението на барањето за итната седница ја содржи целата хронологија и опис на актуелната состојба на Косово.
„Наскоро ќе имаме одговори на сите овие прашања. Амбасадорот на Гвајана секако ќе свика состанок на кој ќе се разговара за оваа работа. Разговарав со моите колеги и разговарав со претседателот утрово. Делот што сега е во редот е дел од она со што се занимава Министерството за надворешни работи, Канцеларијата за Косово и Метохија и преговарачкиот тим предводен од претседателот подготвија се останато, со што одиме на седницата“, рече Дачиќ.