Да се укинат приватните пензиски фондови, за да се реши проблемот со дупката во ПИОМ, велат од ВМРО-Народна

ВМРО-Народна партија смета дека решението на проблемот со дупката во пензискиот фонд не е ниту во промена на старосната граница за пензија, ниту во зголемувањето на даноците, туку треба да се размисли околу правна форма за укинување на приватните пензиски фондови и враќање на единствениот државен пензиски фонд.

„Сакаме да ја потсетиме македонската јавност дека во последните десетина години неколку пати сме ја алармирале јавноста за можната ескалација на ова горливо прашање и жално е што во оваа дискусија никој не зборува за вистинскиот проблем, а тоа е системска проблематика која настана со реформата при формирањето на приватните пензиски фондови.

Во овој случај не можеме никого да обвиниме затоа што тоа беше наметната реформа од Светската банка и монетарниот фонд, меѓутоа со жалење можеме да констатитраме дека никој во сиве овие години не се обиде да сфати каде е проблемот.

Како за потсетување е и фактот дека оваа ситуација со приватните пензиски фондови како дискусија ја имаше скоро во сите држави од поранешниот комунистички блок“ велат од партијата.

Share on Facebook

Tweet

Follow us

Save