Двапати му „украде“ титула ама има огромна почит кон него: За Алкараз, Новак е најдобар на сите времиња!

Карлос Алкараз одговори на неколку кратки прашања, а во неколку наврати го повтори името на Новак Ѓоковиќ, како кога го прашаа кој е најдобриот тенисер на сите времиња.
Иако Новак Ѓоковиќ не е главниот идол на Карлос Алкараз кој секогаш го става Рафаел Надал на прво место, сепак младиот шпански тенисер го почитува сето она што српскиот ас го направил во текот на кариерата.

На прашањето кој е најдобриот на сите времиња, Алкараз мораше да размисли, а потоа го даде својот одговор.
„Ако ги погледнеме бројките, Ѓоковиќ. Нема сомнеж. Надал и Федерер се исто така на врвот за мене“, изјави овогодинешниот шампион на Вимблдон и Ролан Гарос.

Српскиот ас беше избран од страна на Шпанецот кога е во прашање најтешкиот ривал како и тенисерот со најдобар удар.
Тој даде интересен одговор на прашањето кој е најпотценет играч. Тој го наведе Алекс Де Минор кој ја има најдобрата сезона во кариерата и дефинитивно заслужува поголема почит.

Share on Facebook

Tweet

Follow us

Save