Девет пожари до 14 часот – ЦУК апелиеа граѓаните да се придржуваат до мерките од надлежните поради високите температури

Имајќи го предвид најавеното зголемување на температурите кои според УХМР ќе достигнат и над 40°C апелираме до граѓаните да ги почитуваат мерките и насоките дадени од надлежните институции за одговорно однесување на отворен простор, апелираат од Центарот за управување со кризи.

– Воедно, уште еднаш упатуваме силен апел до граѓаните за внимателност затоа што и мало невнимание може да предизвика пожар од големи размери, а доколку забележат сомнително однесување од одредени лица или видат чад или оган на отворено веднаш да пријават на бесплатниот телефонски број во ЦУК – 112, велат од ЦУК.

Состојба со пожари – 21.07.2025 до 14:00 часот

До 14:00 часот се евидентирани вкупно 9 пожари на отворен простор, од кои:

6 се активни

2 се под контрола

1 е изгаснат

Активни пожари:

1. Општина Василево – с. Нивичино (нискостеблеста шума, смрека, грмушки и ниска вегетација)

2. Општина Македонски Брод – с. Грешница (мешана шума и сува трева)

3. Општина Македонски Брод – помеѓу с. Црешнево, с. Локвица и с. Крапа (деградирана дабова шума, грмушки и ниска вегетација)

4. Општина Прилеп – помеѓу с. Царевиќ, с. Смолани и с. Радобил, место викано Радобилски Рид (мешана шума и нискостеблеста вегетација)

5. Општина Ресен – с. Волкодери кон место викано Сирхан (трски и сува трева)

6. Општина Желино – с. Церово (нискостеблеста деградирана шума)

Под контрола:

1. Општина Дојран – с. Николиќ (мешана шума)

2. Општина Велес – кај с. Џидимирци, Крушје и Иванковци (мешана нискостеблеста деградирана шума)

Изгаснати:

1. Општина Желино – с. Групчин (мешана шума)

Share on Facebook

Tweet

Follow us

Save